Tağıyev Natiq  Adil oğlu

                                   Ümumdövlət xidmətlərinin auditi şöbəsinin müdiri

 

      1957-ci il mart ayının 18-də Azərbaycan Respublikasının Ağdaş rayonunda anadan olmuşdur.

 

1978-ci ildə D.Bünyadzadə adına Azərbaycan Xalq Təsərrüfatı İnstitutunu iqtisadiyyat ixtisası üzrə bitirmişdir.

 

Əmək fəaliyyətinə 1978-ci ildən Bakı şəhəri Dövlət Sığorta İdarəsində iqtisadçı kimi işləməyə başlamışdır.

 

1980-1982-ci illərdə Azərbaycan SSR Dövlət Sığorta Baş İdarəsində inspektor, böyük inspektor və rəis müavini vəzifəsində işləmişdir.

 

1982-1983-cü illərdə Azərbaycan SSR Maarifləndirmə Nazirliyində Respublika metodoloji planlaşdırma idarəsinin müdiri vəzifəsində işləmişdir.

 

1983-1994-cü illərdə Azərbaycan SSR Elmlər Akademiyasının İqtisadiyyat İnstitutunda böyük laborant, kiçik elmi işçi və böyük elmi işçi kimi çalışmışdır.

 

1994-2000-ci illərdə Azərbaycan Respublikası Maliyyə Nazirliyində aparıcı iqtisadçı, rəis müavini,idarə müdiri və idarə rəisi vəzifəsində işləmişdir.

 

2003-cü il 14 iyun tarixindən Azərbaycan Respublikası Hesablama Palatasında böyük məsləhətçi kimi fəaliyyətə başlamış, 2019-cu ilədək baş məsləhətçi, sektor müdiri və şöbə müdirinin müavini – sektor müdiri vəzifələrində işləmişdir.

 

2019-cu il 01 yanvar tarixində Hesablama Palatasının Ümumdövlət xidmətlərinin auditi şöbəsinin müdiri təyin edilmişdir.

 

Palatanın fəaliyyətində xüsusi xidmətlərinə görə Azərbaycan Respublikası Prezidentinin 2016-cı il Sərəncamı ilə “Dövlət qulluğunda fərqlənməyə görə” medalı ilə, Azərbaycan Respublikası Xarici İşlər Nazirliyinin 2019-cu il 09 iyul tarixli S/01-19 nömrəli Sərəncamı ilə “Azərbaycan Respublikasının diplomatik xidmət orqanlarının 100 illiyi (1919-2019)” Azərbaycan Respublikasının yubiley medalı ilə təltif edilmişdir.

 

Dövlət qulluğunun baş müşaviridir.

      Ailəlidir. Dörd övladı var.

 

Ümumdövlət xidmətlərinin auditi şöbəsinin fəaliyyət istiqamətləri:

 

  • Ümumi dövlət xidmətləri (elm və dövlət borcu üzrə xidmətlər istisna olmaqla) xərclərinin maliyyələşdirilməsinə ayrılan vəsaitlərin həcmi, strukturu və təyinatı üzrə istifadəsinə nəzarəti həyata keçirir;

 

  • növbəti il üçün dövlət büdcəsi haqqında qanun layihəsinə fəaliyyət istiqaməti üzrə müvafiq rəyin layihəsini hazırlayır;

 

  • dövlət büdcəsinin icrası barədə illik hesabata və müvafiq qanun layihəsinə dair fəaliyyət istiqaməti üzrə müvafiq rəyin layihəsini hazırlayır;

 

  • Palatanın fəaliyyəti haqqında illik hesabatın hazırlanması üçün maliyyə-büdcə nəzarəti tədbirlərinin nəticələri üzrə şöbənin fəaliyyətini əks etdirən müvafiq materialların hazırlanmasını təmin edir;

 

  • aidiyyəti üzrə Palatanın İş planına təkliflər hazırlayır və Palatanın rəhbərliyinə təqdim edir;

 

  • aparılmış analitik təhlillər və keçirilmiş audit tədbirlərinin nəticələrinə əsasən aşkar edilmiş kənarlaşmaların aradan qaldırılması, habelə bütövlükdə büdcə prosesinin təkmilləşdirilməsi haqqında təkliflər hazırlayır;

 

  • müəyyən olunmuş qaydada şöbənin səlahiyyətlərinə aid olan məsələlər üzrə müvafiq normativ hüquqi-aktların hazırlanmasını təmin edir;

 

  • qanunvericiliklə müəyyən edilmiş digər istiqamətlərdə fəaliyyət göstərir.